Sëra sön le stat multinazional tla biblioteca Tessmann
USP - La Biblioteca provinziala Teßmann inviëia ai 8 de merz dl 2012 a n referat tignì dal storiograf Stefan Malfèr che jarà ite sön l’argomënt: “N stat multinazional sciöche model por l’Europa? Profić y manćianzes dl sistem politich dla monarchia di Habsburg. („Vielvölkerstaat als Modell für Europa? Leistungen und Defizite des politischen Systems Habsburgermonarchie“).
La monarchia di Habsburg ê na monarchia contestada. Süa capazité de persistënza ê bëgn majera co chëra d’adatamënt. Dl 1918 éra jüda indalater cun la vera. Les catastrofes dl 20ejimo secul à fat a na manira ch’an ti ćiarass derevers cun incherscimun. Éra mo ćinamai n model por l’Europa? Chilò mëss la sciënza dla storia desfarenzié, laurè fora i profić y les manćianzes. La responsabilité é dagnora de chi che se möi tl presënt.
Le referat dl dr. Stefan Malfèr (Österreichische Akademie der Wissenschaften, Viena) à le titul „Vielvölkerstaat als Modell für Europa? Leistungen und Defizite des politischen Systems Habsburgermonarchie“. La sëra ai 8 de merz dl 2012 tla Biblioteca provinziala Friedrich Teßmann, str. A.-Diaz. 8, Balsan scomëncia dales 20.00.
Chësta é la cuinta manifestaziun tl cheder dla ligna de referać da en chësc ann dla Biblioteca provinziala sot al moto prinzipal „Südtirol in Europa. Eine Spurensuche“ („Südtirol tl’Europa. Na chirida de fostüs”).
usp
