Daz sun l Stelvio permò dl 2013
USP - L daz per la streda dl Stelvio ne jirà nia n drova per chësc instà, ma de jené 2013. La Jonta provinziela à (NCUEI) ai 05 de merz tëut chësta dezijion davia l ne ie nia mesun giapé per tëmp la njinies per l daz.
La njinies per l daz ruva permò te n valgun mënsc y nscì iel unì spënt la ntroduzion a jené 2013. L daz fej pert de cunzet generel per revaluté la streda dl Stelvio y per la fé crëscer sciche atrazion turistica. Ultimamënter oven fat cont de pudëi bele chësc instà mëter man cun l daz.
Dal 1998, canche la Provinzia ova sëurantëut la manutenzion dla stredes stateles, iel sun la streda dl Stelvio unì fat nvestimënc per 23 milion. Dala pert svizra iel mo na streda da giara. “Śën iel unì l mumënt che ulon se damandé n daz. Cun i scioldi che unirà trai ite dëssel unì finanzià l mantenimënt y pruvedimënc per revaluté chësta streda” à dit l presidënt dla Provinzia Luis Drunwalder.
L proiet dl daz sun l Stelvio dëssa unì cuncretisà te na culaburazion cun la provinzia de Sondrio y l Cianton Grijon. Per l daz dëssel unì fat na zentrela sëula y la spartizion dla ntredes dëssa unì fat sun la trëi provinzies n relazion ala manutenzion dla streda.
as
Landeshauptmann Durnwalder zur Maut am Stilfserjoch
- Scarica il file audio 924 kb
