Jonta provinziela azetea l program dla fibres otiches 2012
USP – I lëures per purté i culegamënc internet tres fibra otica ti luesc dl Südtirol va inant aldò dl program. L assessëur Florian Mussner à (NCUEI) ai 12 de merz prejentà te Jonta provinziela n bilanz di lëures y program di lëures da chëst ann.
Nchin ala fin dl 2013 se à la Jonta provinziela tëut dant de arjonjer duc i luesc dla provinzia cun i culegamënc tres fibres otiches. “Son drët bën tl program” à detlarà l presidënt dla Provinzia Luis Durnwalder riesc do la senteda dla Jonta. Nchin ala fin de n auter ann iel unì prugramà 850 chilometri de roles. Nchinamò iel cun 450 chilometri bele unì anjenià plu dl mez.
Per l ann 2012 iel tl Assessorat ai lëures publics unì prugramà 200 chilometri de roles, n auter ann dëssel mo unì 170 chilometri leprò. Tla roles iel nchinamò unì trat tres 260 chilometri de fibres otiches. Ntan chësc ann iel prugramà de anjenië 300 chilometri de fibra otica.
as
