Jonta provinziela nvieia via l’agenzia per la ncëries publiches
USP - La Jonta provinziela à (NCUEI) ai 19 de merz delibrà l’istituzion de n’agenzia per scrì ora lëures y ncëries publiches. Chësc servisc nuef dla Provinzia pieta cunsulënza y sëurantol nce l scrì ora per duta la istituzions publiches. Si lëures puderà riesc mëter man.
Normes europees y stateles ova ultimamënter purtà truepa melsegurëza n cont de cundizions da tenì ite a scrì ora de majeri lëures publics. Tres lege provinziela fovel bele unì udù dant n’agenzia per la ncëries publiches. Śën à la Jonta provinziela delibrà de mëter su cuncretamënter chësc servisc. “Esperc puderà dé nfurmazion segura y a puntin. Per na ndenità uniral nce sëurantëut l scrì ora de lëures y servijes” à spiegà l presidënt Luis Durnwalder tla cunferënza stampa do la senteda.
L atività de fé cuncorsc de ncëria reverda dantaprima i caji che muessa unì fai a livel europeich: lëures per n custimënt sëura na milion de euro y ncëries de servisc sëura 210.000 euro. Per ncëries de mënder custimënt iel plutosc udù dant cunsulënza.
La presidënza dl’agenzia nueva ti ie per ntant unida sëurandata a Thomas Mathà che ie bele diretëur dla repartizion Afares comuniteres. L cuntrol dl’agenzia per la ncëries publics ie uni sëurandat al diretëur dl ufize Bilanz dla Provinzia Giulio Lazzara. Na cunsulta dëssa man man dé ndicazions per l’atività nueva. Tlo iel aldò dl presidënt dla Provinzia udù dant reprejentanc dl’Aucatura, dl’Assessorat per lëures publics, dl’Istitut de statistica, di mprenditëures dl frabiché, dla assoziazions de categuria, dl’assoziazions de mestier ma nce dl’assoziazion di chemuns y dla Camera de cumerz.
Durnwalder à sorissà che l ne unirà nia tëut su culaburadëures nueves ma che l unirà metù man cun 10 persones che ie bele dependëntes dla Provinzia y di chemuns.
as
Galaria dales fotografies
Landeshauptmann Durnwalder erklärt die Neuheiten bei öffentlichen Ausschreibungen
- Scarica il file audio 873 kb
