Sanité / Sozial | 19.03.2012 | 15:19

Dat pro l plann per persones cun handicap

USP – Tl Südtirol vivel 40.000 persones cun handicap. A chësta persones, dantaprima i 3000 che à n majer handicap, uel la Jonta provinziela ti seguré l daunì. Cun l plann per persones cun handicap iel (NCUEI) ai 19 de merz unì udù dant agevolazions per ruve pra n lëur, pusciblteies da viver y de assistënza.

Nce te tëmps de mëndra despunibltà finanziera ne uel la Jonta provinziela nia sparanië pra i plu dëibli dal sozietà. Cun chësc pensier à i assessëures provinziei dat pro l plann provinziel per persones cun handicap che vel nchin dl 2015. La na se trata nia me te tenì ite la ndicazions dla UNO, ma plu che auter de pité a persones cun handicap na streda da ruvé pra n lëur.

Ultimamënter ie auzeda dassënn la cumpëida de persones cun handicap sëura i 60 ani. La rejon de chësta mudazion ie da abiné tla cundizions de vita che se à miurà. “Pont zentrel dl plann ie chël de tò demez barieres che ne lascia nia pro che persones cun handicap posse programs nstësc si vita” dij l assessëur ala sanità Theiner.

Tl ann 2011 à la Provinzia finanzià 38,2 milion de euro per pensions de nvalidità y njontes. Leprò mo 20 milion de euro per seguré la cures. L departimënt al soziel y sanità ulëssa nvië via na segurazion minima che tira adum i cuntribuc che ie nchinamò unic paiei ora te formes defrëntes.

Ntan l ultimo ann iel unì cumpedà 2636 persones cun handicap che à da lëur. 1843 te ativiteies privates, 423 te bertstots defendudes, 291 tla cooperatives sozieles y 79 te chemuns, servijes saniteres y cumuniteies de raion tres l proiet +35. Te chësc ciamp ulëssen pité 40 stieres sëuraprò. Tla berstotes y zëntri per sustëni via per l di iel 952 lueges per pité assistënza a persones cun handicap.

Ti zëntri ulache la persones cun handicap possa sté a viver iel 472 lueges. Per l daunì ulëssen pité formes nueves de abitazion y na miëura assistënza che lascia pro che la persones vive ti si abiënt.

Pra n cunvëni ai 22 de merz tl’università a Bulsan unirà l plann per persones cun handicap prejentà plu avisa al publich. Dopro unirà nce tenì sëires de nfurmazion ti raions. Nfurmazion plu avisa ie nce da abiné tl web sot a www.provinz.bz.it/sozialwesen.

as