Per la chëuta sun la puscions IMU vel i vedli valores di cataster
USP – De juni saral da paië la prima rata dla nueva chëuta sun la puscions IMU. Per la calculazion uniral tëut ca i vedli valores dl cataster. Chësc vën metù a cuer dal assessëur Berger do che ti ultimi dis à jënt for inò damandà i valores dl cataster per calculé la chëuta IMU, ma chël ne ie nia debujën.
I valores de cataster dla puscions ne se à nia mudà y nce la ntroduzion dla IMU ne à deguna cunseguënzes sun i valores. Per calculé la chëuta nueva – nsci nce per la detlarazion di davani – adroven me valores nueves sce ntan l 2011 ie unì fat mudazions. “Chësc ënghe me sce la mudazions à cunseguënzes sun i valores de cataster” sorissea Hans Berger. L medemo vel nce per mudazions de patron tres l vënder, arpejon o l scinché.
L vën mplu lecurdà che i valores dl cataster ne ie nia me da giapé ti ufizies dl cataster o de chemun, ma cun aiut dla cherta di servijes nce tres internet, zënza spëises.
as
