Sozieteies provinzieles: servijes tres cuncors
USP – Aldò dla ndicazions europees y dl Guviern talian, muessa duc i servijes publics unì scric ora tres cuncors, nce sce i se lascia fé da privac. La Jonta provinziela à (NCUEI) ai 02 de auril tratà chësta cuestion deberieda cun si Avocatura y lascia sën cialé do plu avisa ciun servijes che ie tuchei dala normes nueves.
“Te tëmp de trëi enes dëssa l Avocatura cialé do a puntin ciun servijes publics che possa unì sëurandai a sozieteies In-House o che possa unì fai internamënter” à dit l presidënt Luis Durnwalder do la senteda dla Jonta. Sciche ejëmpli tuchei dala normativa nueva à l presidënt nunzià la sozietà de nfurmatica SIAG, la Business Location Südtirol BLS o l servisc de cataster y liber fundier. L muessa śën unì cialà do plu avisa sce l ie debujen de n cuncors per slungë ncëries de servisc o sce la Provinzia possa les sëurandé a si sozieteies sciche nchinamò.
Chël che vel per la Provinzia, messëssa aldò de Durnwalder nce valëi per i chemuns. Chemuns cun manco de 30.000 abitanc ne iel nia plu mesun mëter su sozieteies che sëurantole n servisc publich dal chemun. Tlo da nëus à chësc nce cunseguënzes canche, per ejëmpl, la sozietà provinziela SEL paia ora l davani ai chemuns. Nce chësta cuestion muessa mo unì stlarida ntan la proscima enes.
as
Galaria dales fotografies
Landeshauptmann Durnwalder zu den möglichen Änderungen bei In-House-Gesellschaften
- Scarica il file audio 1337 kb
