Deguna reduzion di scioldi da Roma
USP – “Nchinamò ne iel nia ruvà na comunicazion de Roma che n ulëssa smendrì la pert dla chëutes che ruva inò de reviers da Roma, perchël ne iel deguna rejon de sté ert”: chësc à (NCUEI) ai 10 de auril detlarà l presidënt dla Provinzia Durnwalder sorissan che velch da de tel possa me unì fat sce l Südtirol ie a una.
Aldò de speculazions ti media ne dëssa nia plu 90% dla chëutes ruvé de reviers da Roma, ma me plu 60%. L presidënt dla Provinzia à sorissà che l ie nce regions che giata de reviers 130% de chël che les paia ite y pona iel sambën nce de teles che giapa me l 60%, ma cun chëstes ne possa l Südtirol nia se paredlé ajache les à dut d’autra cumpetënzes.
“Sce la ëssa propi da ruvé tan inant che Roma nes uel scurté la pert de nosta chëutes che ruva inò de reviers, sa parerons cun duc i mesuns” à dit Luis Durnwalder te cunferënza stampa. La regulamentazion dla finanzes ie unida segureda tres lege aldò dl Statut de Autonomia. “L’Acurdanza de Milan possa me unì mudeda sce tramedoi pertes ie a una, na mudazion me da una pert ne ie nia puscibl” à dit l presidënt la Provinzia.
as
