SMG devënta pert dl’Aministrazion provinziela
USP – La Jonta provinziela à (NCUEI) ai 16 de auril tratà l daunì dla sozieteies de avëi dla Provinzia y à tëut la dezijion de basa che la SMG (Südtirol Marketing Gesellschaft) dëssa deventé n’agenzia provinziela. I assessëures provinziei à nce da pro l rendicont anuel dla sozietà de nfurmatica, dla Business Location Südtirol y dla sozietà Central Parking.
La SMG unirà trasfurmeda te n’agenzia che fej pert dl’Aministrazion provinziela. Chësc à dat pro la Jonta provinziela azentan nce de tò demez la sozietà che à laurà nchin sën. Aldò dl presidënt dla Provinzia Luis Durnwalder muessel mo unì valutà plu avisa co che n dëssa passe dala sozietà al’agenzia. La Provinzia ne ie nia la sëula patrona dla SMG, perchël muessel unì stlarì cie che l suzed cun i autri cumëmbri y sce i vën n cajo paiei ora.
Tla senteda dla Jonta iel sëuraprò unì dat pro l rendicont de autra trëi sozieteies. Tl ann 2011 à dutes trëi finà via cun n resultat positif. La BLS (Business Location Südtirol) à finà via cun n davani de 130.000 euro, la SIAG (sozietà de nfurmatica dl Südtirol) à arjont 190.000 euro y la Central Parking AG 260.000 euro.
as
