Museum Ladin Ursus Ladinicus se pieta per la lores meneda sot
USP - L Museum Ladin Ursus ladinicus a S. Ciascian fossa n ncësa ideal per la lores che ie n sada passeda unida meneda sot danter Tluses y Pruca. De chësta ie l presidënt l cumité scientifich dl Museum Ladin Heinrich Huber deberieda cun l diretëur Stefan Planker.
„Tla sënta destacheda Museum Ladin Ursus ladinicus pudëssa la lores che ie n sada unida mendea sot, giapé n ncësa zënza majeri custimënc“ nsci la cunvinzion dl presidënt Heinrich Huber y dl diretëur Stefan Planker.
Tl museum iel bele de plu tofles de nfurmazion y esponac uriginei sciche crëpes, os y schelec dl „ursus spelaeus“. L paredlé cun na lores dal didancuei se pitëssa drët bën per tematisé defrënzes danter la lores rosses, la lores preistoriches, la lores da dlacia y l Grizzly. Leprò à l museum a S.Ciascian bele na recostruzion dl Ursus ladinicus.
Aldò de Huber pudëssel cun n pitl custimënt unì adatà la tofles de nfurmazion ala lores rosses y si cumpurtamënt. Per l Museum Ladin Ursus ladinicus fossa la lores stafuneda ora n gran arichimënt y na njonta mpurtanta. „Sce proscimamënter vëniel tëut na dezijion de chësc viers, se metons a desposizion acioche la lores rosses possa unì metuda ora a S.Ciascian“ dij l presidënt dl cumité scientifich.
as
