La Comisciun por la sconanza dla contrada azetëia “le tru tla natöra” a Al Plan
USP - La Comisciun provinziala por la sconanza dla contrada à azetè chisc dis le proiet de n tru tla natöra ćina a Pederü tl comun de Mareo.
Tl Parch Natural Fanes-Senes-Braies y so raiun Natöra 2000 realisarà le Comun de Mareo adöm cun l'Ofize Parcs naturai dla Provinzia n tru de descurida dla natöra da Fodara Masaronn a Pederü por valorisé le tru che é d'invern na pista da paslunch da Al Plan a Pederü. Le proiet vëiga danfora na picia mudaziun dl percurs, a na moda da lascè fora dui passaji stradai. Insciö éson plü dalunc dal rü, al vëgn sconè la pert dla contrada plü interessanta y i pra, che öga d’isté sciöche pastöres, ne vëgn nia azicà.
Tl cheder di intervënć él inće preodü da alzè le funz dl tru te dui posć, olache al se forma pozes y s’amüdla material canche al plöi dassënn. Le proiet vëiga danfora na larghëza dl tru de 4,5 metri, a na moda da podëi l’adorè sciöche pista d’invern. Le proiet, spliga l'arch. Oggiano, é gnü aprovè dala II Comisciun provinziala por la sconanza dla contrada a condiziun che al vëgnes indô impradì, canche i laûrs é stlüć jö. Chësc dess gnì fat a öna cun l’Ofize Parcs naturai, les autoritês dla forestala y la Repartiziun Operes idrauliches.
usp
