Scuadra ladina per l’Europeada vën prejenteda ai 10 de juni a S. Martin
USP – Pra i campionac europeics de juech al palé per mendranzes de rujeneda fajerà chëst ann per l prim iede nce pea na scuadra ladina. L’Europeada pieta sëuraprò al’ancunteda sportiva nce mumënc de prejentazion dla mendranzes. L Isititut Ladin Micurà de Rü che cumpanierà la scuadra nterladina, nvieia i culaburadëures di media n dumënia ai 10 de juni ala prejentazion dala 14.00 se si sënta a San Martin de Tor.
L turnoi de juech al palé Europeada unirà jugà dai 16 ai 24 de juni a Lausitz ti Paejes Tudësc. Tl tëmp che l unirà rujenà truep di campionac dl’Europa di prufesciunisć, uel la mendranzes autoctones dla FUEV se lascé audì tres si turnoi. Ala segonda edizion dl’Europeada fajerà nce pea na selezion dla valedes ladines dla Dolomites.
Jugadëures, alenadëur y cumpaniadëures dla scuadra ladina vën prejentei
n dumënia, 10 de juni
dala 14.00 tla sënta dl Istitut Ladin a San Martin de Tor.
L Istitut Micurà de Rü prejenterà si cunzet de prejentazion dla mendranza ladina ntan i campionac. Dopro uniral tenì n alenamënt pra la plaza dal palé a S.Martin.
Ala prejentazion dla scuadra tulerà nce pert l assessëur provinziel ladin Florian Mussner, l coordinadëur dla scuadra ladina Giorgio Costabiei deberieda cun l presidënt y diretëur dl Istitut Ladin Albert Videsott y Leander Moroder.
I culaburadëures di media ie nviei ala prejentazion y de cunedì i cuntenuc.
as
