Jonta provinziela: prim aiut cun l joler y priesc de frabiché
USP – La Jonta provinziela à (NCUEI) ai 18 de juni danterauter nce dat pro l finanziamënt per prim aiut cun l joler y priesc de frabiché che ie debujën per calculazions. I particuleres ie unic prejentei dla presidënt Luis Durnwalder tla cunferënza stampa riesc do la senteda dla Jonta.
Finanziamënt per l prim aiut cun l joler
La Jonta provinziela à dat pro n finanziamënt de 6,2 milion de euro per l prim aiut cun l joler ntan l ann 2011. 4,2 milion de chësc finanziamënt vën curì da rembursamënc per l trasport y da assegurazions. “Ntan l ultimo ann à i doi joleri provinziei y chël de resserva, menà demez 2.997 pazienc julan de ndut 106.300 menuc” à dit Durnwalder.
Priesc de frabiché
I assessëures provinziei à mantenì l priesc de frabiché dl prim mez ann 2012. Aldò di valores statistiches dl ASTAT iel ntan i ultimi 6 mënsc me sta n variazion de 0,33% y nscì ne iel nia stat debujën de mudé l priesc, che resta 342 euro per meter cubich y 1.369 euro per meter cuadrat.
as
