Ai 4 de setëmber l “Di dla Scola Ladina”
USP - L “mond dla Scola Ladina” se ancunterà chëst ann ai 04 de setëmber per dl Di dla Scola Ladina y per scumencé l ann de scola cun n danmesdì de ajurnamënt. Pra chësc di a Al Plan de Mareo rujenerà l presidënt dla Provinzia, l assessëur provinziel ladin y l ntendënt ladin. Dopro saral da audì n referat sun la problematica dla tlasses che ne à nia tla man.
Nsenianc de scola, reprejentanc di genitores y aministradëures publics ie nviei a se de ju n danmesdì cun l ann de scola nuef. L presidënt dla Provinzia Luis Durnwalder, l assessëur Florian Mussner y l ntendënt Roland Verra rujenerà dla nuviteies ududes dant dala Jonta provinziela y di programs nueves per la ann de scola. Danter chisc iel nce n program per computer per aministré la vela de furmazion per nsenianc te na forma digitela.
Tla segonda pert dl Di dla Scola Ladina sarà l prufessëur dl'università de Son Gagl/St. Gallen Rico Cathomas a tenì n referat sun la tlasses che n ne à nia tla man.
L "Di dla Scola Ladina", ai 4 de setëmber tl salf dles manifestaziuns a Al Plan de Mareo scumencerà dala 9.00 da duman.
Culaburadëures di media ie nviei a chësc di y a cunedì i cuntenuc.
as
