Ai 28 d’otober 2012 tornê da cartè a batadù tl Museum Ladin
USP – En domënia ai 28 d’otober vëgnel tignì le gran batadù tl Museum Ladin Ćiastel de Tor deboriada cun l’Uniun di Stödafüch da San Martin de Tor. L’incuntada é dales 13.30, dailò vëgnel inće tut sö les iscriziuns y fat l’estraziun di grups.
Le tornê tradizional metarà man dales 14.00. Les iscriziuns vëgn inće tutes sö danfora vigni domisdé al numer 339/7685970.
Le Museum Ladin Ćiastel de Tor resta ćiamò davert ćina ai 31 d'otober y ćina dailò saràl inće la poscibilité da jì a ti ćiarè ala mostra dedicada ai laûrs de Franz J. Noflaner. Do la palsa da d'invern dauriarà la sënta prinzipala y le Museum Ladin Ursus Ladinicus a San Ćiascian indô ai 26 de dezëmber 2012.
usp
Galaria dales fotografies
Gran batadù tl Museum Ladin, n domënia ai 28 de otober
