Do la scora mesana? – En mertesc, ai 20 de novëmber incuntada di geniturs a La Ila
USP – La dezijiun de ći fà do la scora mesana à de gran conseguënzes sön le svilup di jogn. Por tó na dezijiun val debojëgn de informaziuns sön les poscibilitês che vëgn pitades. De chësc vers sostëgn les scores altes da La Ila les families che mëss tó na dezijiun. (DOMAN) En mertesc, ai 20 de novëmber vëgnel pité na sëra de informaziun por i geniturs.
I geniturs di scolars dla secunda y terza mesana de döta la Val Badia é invià en mertesc, ai 20 de novëmber tla sënta dles scores altes da La Ila por imparè a conësce damì ći chë al vëgn pité tles scores ladines. Sides pro l'Istitut tecnich de economia che pro le lizeum linguistich é i lingac dër importonć. La scora alta paritetica ti pîta ai jogn la poscibilité da imparè inant düć trëi i lingac provinziai; a chësta maniera arà i jogn de plü poscibilitês sön le marćé dl laûr.
La sëra de informaziun por i geniturs mët man en mertesc, ai 20 de novëmber dales 20.00 tla sënta dles scores altes a La Ila.
I scolars dla mesana podarà d'invern instësc imparè a conësce les scores altes a La Ila. Ai 31 de jenà gnaràl metü a jì n dé dla porta daverta por i scolars dla scora mesana da La Ila. Le dé do, al pröm de forà, ti gnaràl dè la medema poscibilité ai scolars dla scora mesana d'Al Plan y a chëra da San Martin.
La scores altes da La Ila tl web: http://www.ll-itc-laila.it/
as
