Grupes ladines cun meludies d’Avënt a Bulsan (cun fotos)
USP – Cun l cunzert d’Avënt tl Dom de Bulsan à sies grupes ladines (N SËIRA) ai 14 de dezëmberS nia me prejentà la tradizion particulera di luesc ladins de cianté y suné l’Avënt. Sun scumenciadiva dl Assessorat provinziel ladin iel unì pità mumënc de ancunteda danter la grupes de rujeneda.
Ntan che la jënt busiova via y ca sun l marcià da Nadel de Bulsan, ne n fovel d’autri che à plu gën ulù viver mumënc particuleres de mujiga tl Dom de Bulsan. Danter cores, archëc, tlarinec y ensembles de cater o cin persones à feter 40 ciantarins y sunadëures purtà dant pec d’Avënt. „Te nosc luesc iel unì tramandà chësta tradizion particulera de cianté l’Avënt. Nsnuet ons pudù l’audì deberieda cun jënt d’autra grupes de rujeneda che à mparà a cunëscer chësta cultura musichela ladina“ à di l assessëur Florian Mussner.
L publich tl Dom de Bulsan à pudù audì na bela varietà de grupes y de sti de mujiga. L à ciantà l Cor Col dla Vedla de Rina, l Trio dl'ëiles de Urtijëi cumpanià da Otto Dellago, l Pinzimonio Vocale de Val Badia y l Cor di mutons de Sëlva. L Cuartet Badia à sunà pec d’Avënt al tlarinet y la Familia Ploner de Runcadic sun archëc. L digan dl Dom Bernhard Holzer à fat na ntroduzion al cunzert cun vel pensier dedicà a chësc tëmp da nadel. Tres l cunzert à menà Otto Dellago.
Cun l cunzert da chëst ann se à cores y grupes ladines bele prejentà per l segondo iede deberieda cun pec d’Avënt. N cunzert de chësta sort tl Dom de Bulsan ova bele abù suzes dan doi ani.
as
Galaria dales fotografies
