La smueia de Badia ie ruveda nchin pra ruf, l’ega vën aviseda ntëur
USP – La gran smueia che ova n juebia scumencià a se muever ie (NCUEI) dumënia ruveda nchin pra la Gran Ega. L ruf vën avisà ntëur cun roles sun na lunghëza de feter 200 metri, al mumënt iesen tl lëur de mëter ju mo 100 metri de roles.
Do trëi dis ne se à la smueia de feter 40 hectar, (feter 400 metri per 1000 metri) a Badia mo nia fermà. Do avëi analisà la smueia cun l joler ie la situazion deventeda plu tlera. Do che la smueia fova n sada jita inant plu bel plan, iela (ncuei) n dumënia inò jita inant plu debota. Aldò dl diretëur tla zentrela provinziela de prutezion zevila Hanspeter Staffler, reverda chësc dantaprima la pert plu a nord.
Dal julier an nce pudù udëi che suinsom se à destacà mo n toch de rone. Tla vila de Sottrù ne se à la situazion nia mudà. Per salvé i luesc Matara y Larcenei iel duta la dumënia unì laurà cun pacres y menà demez material. Japé dla smueia uniral taià i lëns a na maniera che n possa lauré miesc sce la smueia va mo inant. Per schivé che se abine su l’ega vëniel nce anjenià na vasca da 20-30.000 metri cubich. La roles dal gas ie unides destachedes, scebën che Pedraces y La Ila giapa mpomo l gas.
Da nuef iel dantaprima che la Gran Ega ie unida aviseda ntëur tres roles. Tlo iel per ntant unì prugramà roles per de ndut 300 metri. Sce la smueia vën mo plu injù, iel pericul per la sarenera. Per chësta cuestion an bele cherdà n espert dl ciamp.
De ndut iel 105 persones che lëura sun l post y tla zentrela de Bulsan iel mo set persones che tën l cuntat cun Badia.
Per nfurmé a populazion vëniel do y do fat reunions di zitadines. La Jonta provinziela traterà te si senteda de n lunesc sun pusciblteies de aiut.
De plu fotos sun la plata facebook "Jonta proviniziela"
as
