Smueia a Badia: ncuei lunesc, nfurmazion per i zitadins dala 17.00
USP – Per via dla gran smueia a Badia iel danter la populazion de S. Lenert y Pedraces na gran melsegurëza y de bujën de nfurmazion. Per chësta rejon mët la Provinzia y l Chemun, ncuei lunesc, 17 dezëmber, a jì na manifestazion de nfurmazion per i zitadins dala 17.00 tla cësa J.B. Runcher.
I lëures per schivé mo n majer dann tres la gran smueia de Badia va inant. Tl medemo mumënt vëniel nce rumà su y cialà de smëndrì la cunseguënzes. Per nfurmé la populazion dla situazion atuela iel unì tëut la dezijion de fé na manifestazion de nfurmazion, ncuei lunesc, 17 dezëmber, dala 17.00 tla cësa J.B. Runcher a Badia.
Lunesc danmesdì trata nce la Jonta provinziela dla gran smueia de Badia. I assessëures provinziei se dajerà dantaprima ju cun pruvedimënc de aiut per la populazion y per seguré l raion danter S.Lenert y S. Ciascian tl daunì.
De plu fotos sun la plata facebook "Jonta proviniziela"
as
