Na milion de euro per judé riesc a Badia (cun audio)
USP – Co schivé mo plu dann dla smueia a Badia ie stat l pont de majera atualità tla senteda dla Jonta provinziela (NCUEI) ai 17 de dezëmber. Dlongia pruvedimënc sun l mumënt, se ala nce tratà dl daunì: “Lascion analisé avisa cie che se lascia fé per seguré duta la costa danter S. Lenert y San Ciascian” à dit l presidënt dla Provinzia Luis Durnwalder.
La smueia de feter 40 hectar a Badia ne se à mo nia fermà, l dann generel devënta for majer. “Mo ne ons nia n cheder generel plu avisa, perchël ons ncuei permò dat pro i mesuns che ie de bujën per l prim aiut” à dit l presidënt dla Provinzia riesc do la senteda dla Jonta. Cun la milion de euro metuda a desposizion dëssel unì curì l custimënt per i lëures ntëur la smueia, fat jì inant i lëures, fat stredes nueves da ruvé permez ala cëses y judà ala jënt tucheda.
“La smueia ie bele ruveda ju nchin pra ruf, śën se tratela de fé a na maniera che l’ega ne vën nia fermeda su sciche l fova suzedù l ann 1821 canche l fova bele unì ju na smueia tla medema luegia” à spiegà Durnwalder.
Tres la roles che ie unides metudes ju n dumënia passel bele ega, ma chëstes vën mo miuredes. ”Te chësc mumënt ie chësc l pruvedimënt plu mpurtant per straverdè la populazion da n rumpì ora dla Gran Ega” à sorissà l presidënt dla Provinzia.
Permò te n segondo mumënt puderal unì sciazà la grandëza dl dann. Mo ie chësc massa abenëura ajache la smueia ne se à mo nia fermà. Canche la sarà tan inant uniral tëut na dezijion sun autri pruvedimënc, dantaprima n cont de nfrastrutures: “la se trata de mëter a jì la stredes da ruvé permez ala cëses, dla roles dal’ega da bever, la canalisazion, dal gas, telefonn y dal strom” à dit presidënt dla Provinzia.
Davia che duta la costa danter San Lenert y San Ciascian ie melsegura, vëniel dat mpurtanza a seguré chësc raion per n tëmp plu lonch. “Messon analisé la gaujes y mëter a jì dut cie che se lascia per stravardé la populazion” à dit Durnwalder.
L presidënt dla Provinzia à abù paroles de cumpascion per la jënt tucheda dala smueia, ti seguran tl medemo mumënt che la Jonta provinziela fajerà dut l puscibl per la sustenì. Durnwalder à nce rengrazià duta la grupes de ntervënt che lëura da uni ëura per tenì l cuntrol sun la cunseguënzes dla smueia.
---
De plu fotos sun la plata facebook "Jonta proviniziela"
D’autri comunicac stampa sun chësc argumënt
17.12.2012 Smueia a Badia: ncuei lunesc, nfurmazion per i zitadins dala 17.00
16.12.2012 La smueia de Badia ie ruveda nchin pra ruf, l’ega vën aviseda ntëur
15.12.2012 Durnwalder y Mussner a Badia per se fé n cheder dla situazion (cun audio y video)
14.12.2012 Smueia desdruj cater cëses a Badia: sada cunferënza stampa cun Durnwalder
as
Galaria dales fotografies
Landeshauptmann Durnwalder über die Situation in Hochbatei
- Scarica il file audio 937 kb
