Mudazion al regulamënt per maestri de schi
USP - La Jonta provinziela à cialà de defënder i maestri de schi da tlo te chëla che la ti à metù sëides a chëi da oradecà. Sun ntervënt dla Union Europea à la Jonta (NCUEI) ai 18 de fauré messù adaté l regulamënt an na maniera che i maestri de schi che vën da n paesc europeich possa nce tl Südtirol ti jì do a si mestier zënza limitazion.
Nchinamò valova la regula che maestri de schi da n auter pesc dla Union Europea, cun ejam recunesciù, possa nsenië nchin al plu 60 dis tl Südtirol. "Sun ntervënt dla Union Europea, sons stai sfurzei a mudé l regulamënt per maestri de schi" à dit l presidënt dla Provinzia Luis Durnwalder riesc do la senteda dla Jonta. Nsci ie unì dat pro na pruposta de lege aldò de chëla che maestri de schi da n paesc europeich possa nsenië zënza limitazions sce l à n ejam recunesciù y sce l à fat la registrazion.
as
