Segurëza publica: gran senteda de coordinazion
I caji de viulënza che ie unic su ultimamënter ne ie nia tan trueps da sté cun festide, purempò ne dëssa la problematica nia unida tëuta ala lesiera. Per rujené cuncretamënter de pruvedimënc cherderà l presidënt dla Provinzia Durnwalder de plu pertes nteressedes a na senteda de coordinazion.
La segurëza publica n cont di caji de viulënza che ie suzedui ultimamënter, dantaprima da sëira y de nuet, ie tla respunsabltà de plu pertes. L Cumissariat dl Guviern, la polizai, i servijes privac de segurëza, i patrons dla discoteches, la lia di osć HGV, ma nce l ufize provinziel per i jëuni dla trëi grupes de rujeneda, l Forum Prävention y la repartizions provinzieles nteressedes unirà cherdedes a rujené duc deberieda sun i pruvedimënc da tò. Chëśc ie unì fat ora (NCUEI) ai prim de lugio tla senteda dla Jonta provinziela.
"La viulënza muessa bele unì fermeda te chël mumënt che la nasc" à sorissà l presidënt Durnwalder tla cunferënza stampa do la senteda. I caji de viulënza che ie suzedui ultimamënter ie nce stai argumënt te Cunsëi provinziel, y nsci uel la Jonta provinziela ti jì permez cuncretamënter a chësc fenomenn. (USP)
as
Galaria dales fotografies
Landeshauptmann Durnwalder erläutert die Maßnahmen zum Thema Sicherheit
- Scarica il file audio 1058 kb
Il Presidente Durnwalder spiega gli interventi in tema di sicurezza
- Scarica il file audio 1506 kb
