Ngrandì la Cunsulta ladina di jëuni
La Cunsulta provinziela ladina per i jëuni ie unida ngrandida. La Jonta provinziela de Bulsan à (NCUEI) ai 26 de agost, te si prima senteda do la paussa da instà numinà Jaime Venturini de Urtijëi.
La Jonta provinziela à dat pro la pruposta dl assessëur ladin Florian Mussner de tò su n cumëmber sëuraprò tla cunsulta ladina di jëuni. Chësta pruposta fova mueta dala cunsulta nstëssa davia che Jaime Venturini ova mustrà gran nteres y despunibltà a se de ju y lauré pea per argumënc che reverda i jëuni dla valedes ladines.
Venturini à bele abù esperienzes tl ciamp dl lëur per i jëuni fajan pea i proiec "Hallo ciao Maroc" tl Marocco y "Kosso-Bo", na cunlaurazion danter Bulsan y Kossovo metuda a jì dal Ufize provinziel per jëuni. Cun la nomina de Venturini vën la Cunsulta ladina di jëuni ngrandida a 11 cumëmbri.
L duvier prinzipel dla Cunsulta ie de lauré ora na cunsultazion sun argumënc di jëuni de chëi che la Jonta provinziela tol pona tò na dezijion. Chësc reverda da una pert i programs anuei per l Ufize provinziel per i jëuni y dal autra pert prupostes de lege o pruvedimënc a bën di jëuni. (USP)
as
