6 setëmber: prejentazion de n cunzet nuef per l Museum de Gherdëina
Per l Museum de Gherdëina iel unì metù adum n cunzet museal nuef. I assessëures provinziei Florian Mussner y Sabina Kasslatter Mur prejenterà chësc cunzet n vënderdi ai 6 de setëmber a Urtijëi te na cunferënza stampa.
L Museum de Gherdëina à na posizion de mpurtanza particulera tl raion dla Dolomites y tl Sudtirol. Tlo iel da udëi y mparé a cunëscer ciamps dla geologia, paleontologia, ma nce pec particuleres de minerai, flora y fauna alpina, archeologia, etnografia y artejanat artistich tl cheder dla storia naturela y culturela de Gherdëina.
N cunzet museal nuef cun ngrandimënt dla lerch de esposizion dëssa śën mené tl daunì. De cie che la se trata plu avisa prejenterà i assessëures provinziei Florian Mussner y Sabina Kasslatter Mur
n vënderdi, 6 de setëmber 2013
dala 09.30
(y nia dala 10 danmesdì)
tl Museum de Gherdëina, streda Rezia 83 a Urtijëi.
Per chësta cunferënza stampa uniral nce adalerch l ambolt de Urtijëi Ewald Moroder y l presidënt dl Museum de Gherdëina Wolfgang Moroder.
usp
