Zënter per pazienc de demez a Margreid
Davia che la cumpëida de persones tuchedes da malaties demetes ie daniëura tl crëscer, iel de bujën de miuré la pusciblteies de cumpaniamënt. L presidënt dla Provinzia Durnwalder à fat al savëi che a Margreid uniral fat n zënter cun 20 de pitli cuatieres. L cunzet de chësc zënter prejenterà l assessëur Richard Theiner n mierculdi ai 4 de setëmber a Margreid.
Tl Sudtirol iel 9000 persones che patësc de demez y uni ann nen vëniel 900 leprò. Te majera pert di caji vën chisc pazienc cumpaniei da parënc, che à suvënz nce massa n gran pëis da purté. A Margreit vëniel metù su n zënter nuef che ie dantaprima pensà per i parënc di amalei.
L ie udù dant feter 20 cuatieres da doi persones te chëi che i pazienc possa sté da trëi a cin enes deberieda cun si parënc. "La cura dëssa te chësc zënter unì fata da ot dutores y nuef nfermieres" à spiegà Durnwalder.
Ntan l tëmp tl zënter possa i parënc paussé y tl medemo mumënt mparé co se astilé cun i pazienc. A chësta maniera uelen ti jì permez al pericul de parënc brujei ora y alesiré la cura a cësa do vester stai tl zënter. (USP)
as
Landeshauptmann Durnwalder über die Maßnahmen für Demenzkranke
- Scarica il file audio 1040 kb
Il Presidente Durnwalder spiega gli interventi a sostegno dei malati di demenza
- Scarica il file audio 1221 kb
