Le portadù dl pest Nobel dla pêsc Perez Esquivel fej vijita a Kompatscher
USP - Adolfo Perez Esquivel, portadù dl pest Nobel por la pêsc, à vijité incö, lönesc ai 12 de mà, le Presidënt dla Provinzia Arno Kompatscher a Balsan. Tratan la vijita él gnü tratè la tematica dla cooperaziun al svilup da pert dla Provinzia de Balsan ti paîsc dl Sudamerica sciöche l´Argentina.
Adolfo Perez Esquivel à ćiafè le pest Nobel per la pêsc tl 1980 por süa manifestaziun de protesta zënza violënza cuntra le rejim autoritar tl`Argentina. "I conësc la vita de Perez Esquivel, al é na porsona straordinaria y al é n gran plajëi por me podëi ti dè le begnodü chilò a Balsan", dij le Presidënt Kompatscher.
Tratan la incuntada él inće gnü presentè valgügn proieć de cooperaziun al svilup, olache la Provinzia de Balsan finanziëia valgönes iniziatives a Buenos Aires, sciöche por ejëmpl l'integraziun de mituns dejavantajà tres l´organisaziun "Serpaj" (Servicio Paz y Justicia). Kompatscher à insciö garantì a Perez Esquivel che la Provinzia de Balsan mëtarà a jì inće tl dagnì proieć de cooperaziun al svilup tl Sudamerica.
rc
