INVIT conferënza stampa ai 11/06: Orars dl trasport da d'iste y app
“SüdtirolToGo": Na app nöia sciöche integraziun ai libri cun i orars dl trasport
USP - I orars dl trasport publich da d'isté pëia ia ofizialmënter ai 15 de jügn y le start di orars estifs porta inće para n gröm de mudaziuns por düć chi che adora i mesi dl trasport publich. Dlungia i libri cun i orars nüs él inće gnü realisé na app nöia por düć i smartphones (por IOS sciöche android) y na plata internet otimisada cun l'archirida dles trates. Cun l'app nöia pon insciö nia ma chirì les trates da fà cun la ferata y les corieres de linia, mo inće i percursc che é da fà eventualmënter a pé por rové da öna na architada al'atra, les poscibilitês por storje pro y indicaziuns de evënć. Döt chësc é poscibl da ćiarè do adoran la app "SüdtirolToGO - Alto Adige ToGo" ideada dal'Agenzia por la mobilté dla Provinzia.
L'assessur por la mobilité Florian Mussner y le diretur dl'Agenzia por la mobilité Roberto Rubbo presentarà düć i details dles novitês tratan na conferënza stampa
en mercui, ai 11 de jügn
dales 09.00
tla pröma alzada
dl'Agenzia por la mobilité dla Provinzia
al'entrada dla staziun a val dla furnadoia che porta sön le Ritten
Düć i media é dër bel invià a tó pert.
rc
