La Laimburg inviëia ala presentaziun dl proiet sön la siara y jandela
Cal é pa le rendimënt dla coltivaziun de siara y jandela? A ći mëssun pa mëte averda pro la coltivaziun? É chëstes sortes plü al prigo de maraties co atres? Cares é pa les mius sorts locales de siara y jandela por fà pan cun na buna cualité regionala?
Le Zënter de Sperimentaziun agrara dla Laimburg presentëia en jöbia, ai 10 de messè dales 9.30 sön i ćiamps de formënt dl lüch “Sägemüller” a Gais la conclujiun dl proiet sön les sorts de siara y jandela. Tratan la presentaziun gnaràl inće testè les carateristiches dles sorts plü desvalies de siara y jandela por la coltivaziun, che metarà man tosc.
Le proiet d’archirida CereAlp é finanzié dal program Interreg-IV danter la Talia y l’Austria y vëgn manajè dala Laimburg adöm cun l’ofize por la sperimentaziun agrara dl Bundesland Tirol. Tratan le proiet à insciö de plü scienzià analisé 69 sortes locales de siara y jandela che vëgn coltivades tl Tirol y tl Südtirol sciöche inće 7 sorts de coltivaziun modernes.
Insciö gnaràl inće splighé tratan la presentaziun dl proiet l’evoluziun dles sorts locales de siara y jandela sön i ćiamps tl Südtirol y Tirol. La presentaziun gnarà tignida
en jöbia, ai 10 de messè
dales 09.30
söl lüch „Sägemüller“ a Gais
strada Mühlweg 10
y spo dedô
dales 11.30
söl lüch „Mair am Hof“ a Dietenheim.
Düć i rapresentanć di media é dër bel invià a tó pert.
rc
