“Meteo Südtirol”: te n mëis app desćiariada 50mile iadi
L'app "Meteo Südtirol" ativada da zirca un n mëis, é bele gnüda desćiariada feter 50mile iadi y é bele danter chëres plü adorades tl Südtirol. Ajornamënć por talian, todësch, ladin y inglesc. L'app é desponibla debann por android y iOS (iPhone).
Da n mëis incà, sotrissëia le diretur dla repartiziun provinziala proteziun cuntra le mèdefüch y proteziun zivila Hanspeter Staffler, é le boletin meteo dla Provinzia desponibl inće por mirit de n app aposta por smartphone y tablet. L'aplicaziun "Meteo Südtirol" à n gran suzès pro la popolaziun, y é bele gnüda desćiariada feter 50.000 iadi y do da ma öna n’edema êra bele danter les apps plü adorades.
L'app consënt da ester tres ajornà sön le tëmp tl Südtirol, sön munt y ti raiuns. Implü vara da desćiarié inće informaziuns sön le comun, sciöche por ejëmpl tres le sistem nü de avis de temporai. "L'app é gnüda publicada por talian, todësch, ladin y inće por inglesc por i turisć dl raiun internazional", recorda le meteorologh dla Provinzia Dieter Peterlin. L'app é desponibla debann por android y iOS (iPhone).
Google Play Store (Android):
https://play.google.com/store/apps/details?id=it.siag.weather&hl=it
Apple App Store (iOS):
https://itunes.apple.com/it/app/meteo-alto-adige-wetter-sudtirol/id887929235
USP
