Concurs por dui posć por esperć tl setur dla geologia
La Repartiziun Personal dla Provinzia à scrit fora n concurs publich por döes porsones espertes de materies tecniches – tl setur dla geologia (IX cualificaziun funzionala) pro la Repartiziun 11 – Frabiches y Sorvisc tecnich – Ofize Geologia y proes de materiai a Kardaun. Les domandes por l’amisciun al concurs po gnì presentades ćina en mertesc, ai 2 de setëmber dl 2014 dales 12:00 da misdé.
Dè jö arać, stabilì zones de prigo, elaborè chertes geografiches, se mët a desposiziun por le sorvisc aprontè y controlé materai de costruziun: chëstes é les inćiaries y les responsabilitês dl Ofize Geologia y proes de materiai de Kardaun. L’Ofize Geologia y proes de materiai fej pert dla Repartiziun Frabiches y Sorvisc tecnich y chir da śëgn inant dui geologs.
La Repartiziun Personal à scrit fora n concurs publich por curì i dui posć a tëmp indeterminé. Tó pert al concurs po düć i interessà, ales condiziuns de avëi stlüt jö n stüde universitar de geologia de almanco cater agn y de avëi passè l’ejame de Stat. Implü vëgnel damanè l’atestat de bilinguism A (por ladins trilinguism A).
Le concurs é gnü publiché sön la plata internet dla Repartiziun Personal (www.provinz.bz.it/personal/themen/aufnahme-wettbewerbe-wettbewerbe.asp) y sarà inće da ciafè tl proscimo boletin ofizial dla Regiun. Les domandes por l’amisciun al concurs po gnì presentades ćina les 12 de n mertesc, ai 2 de setëmber dl 2014 tl Ofize Assunziun Personal.
De plü informaziuns
www.provinz.bz.it/personal/themen/aufnahme-wettbewerbe-wettbewerbe.asp
Repartiziun Personal, Balsan, starda Ritten 13
Tel. 0471 412147 - sabine.hanni@provinz.bz.it
rc