Museums provinziai daverć en Santa Maria dai Ciüfs
I museums dla Provinzia de Balsan restarà daverć inće tratan Santa Maria dai Ciüfs ai 15 d'agost
Ai 15 d’agost romagn düć i museums provinziai tresfora daverć. Al é davert inće en vëndres, mo al é d’atri orars. Le Museum provinzial dles usanzes y dles tradiziuns a Dietenheim é davert dales 14.00 ales 18.00, le Museum provinzial dla ćiacia y dla pëscia - Ćiastel Wolfsthurn é davert dales 13.00 ales 17.00, le Museum dl vin a Kaltern é davert dales 10.00 ales 12.00 y le Touriseum, le Museum provinzial por le turism de Ćiastel Trauttmansdorff a Maran é davert dales 9.00 ales 23.00. Dales 10.00 ales 18.00 romagn chisc museums provinziai daverć: le Museum storich - cultural dla Provinzia de Balsan - Ćiastel Tirol, le Museum Ladin Ćiastel de Tor a San Martin de Tor, le Museum Ladin Ursus ladinicus a San Ćiascian, sciöche inće le Museum de archeologia y le Museum Natöra a Balsan.
Le museum dles mineores a Steinhaus é davert dales 11.00 ales 18.00, chël a Prettau (cun apostaziun sot le numer de tel. 0474 654298) dales 9.30 ales 16.30 (daldô fajon fora) y chël a Ridnaun Schneeberg dales 9.30 ales 17.00 (info y apostaziun sot le numer de tel. 0472 656364). Döt le dé davert é le museum a Schneeberg Passeier, olache an röia ma a pè, y plü avisa dala strada dl Timmelsjoch te döes ores y mesa y da Maiern te feter cater ores. La vijita mët man dales 13.00, l’apostaziun é da fà sot le numer de tel. 0473 647045.
De plü informaziuns sön i museums, les manifestaziuns y les mostres da śëgn ciàfon sön le portal di museums te internet sot www.museen-suedtirol.it.
rc
