Leges omnibus: La Junta provinziala s’incunta cun les perts soziales
La Junta provinziala ti à menè inant al Consëi provinzial cater dessëgns de lege omnibus. Denant che chisc vëgnes debatüs tles comisciuns legislatives, arà les perts soziales la poscibilité da té posiziun sön i dessëgns de lege te n’incuntada cun la Junta provinziala ai 22 de agost.
Indöt gnaràl portè dant cater dessëgns de lege omnibus dala Junta provinziala: un cun desposiziuns sön l’aministraziun, n secundo sön l’urbanistica, la contrada, l’energia, l’agricoltöra y l’economia forestala, n terzo ti seturs dl’economia y dles finanzes y n cuarto sön le frabiché, les politiches soziales, la familia y la sanité. Y ajache la partezipaziun é öna dles lignes diretives dla Junta provinziala, ôn inće pité chilò l’ocajiun de na confrontaziun cun i punć d’osservaziun di rapresentanć di seturs dl’economia y di sindacać.
Le Presidënt dla Provinzia Arno Kompatscher inviëia insciö i rapresentanć dles perts soziales a n’incuntada cun la Junta provinziala
en vëndres, ai 22 de agost,
dales 16.00 tla curt interna dl Palaz Widmann
plaza Silvius Magnago 1
Balsan.
rc
