"Dé dla Scora Ladina" ai 5 de setëmber a La Ila
Do les vacanzes da d'isté y püch dan le scomenciamënt dl ann scolastich vëgnel inće chësc ann metü a jì da pert dl Departimënt Educaziun y Cultura Ladina n'incuntada de ajornamënt y de inauguraziun dl ann scolastich nü por aministradus publics, insegnanć y rapresentanć di geniturs dla scora ladina.
Le Dé dla Scora Ladina ne pîta insciö nia ma la poscibilité da s'incuntè cun insegnanć y maestri dles döes valades ladines, mo al é inće n'indunada d'inauguraziun dl ann scolastich nü y n'ocajiun de ajornamënt por insegnanć scolastics, rapresentanć di geniturs y aministradus publics. Do les parores de salüt dl assessur por la scora ladina Florian Mussner y dl intendënt Roland Verra él preodü na pert formativa cun le referat "Educaziun ala democrazia: L'impëgn dles istituziuns educatives y formatives tla sozieté democratica" de Dr. Kurt Edler da Hamburg. La scora de musiga Val Badia se fistidiëia dla pert musicala, le moderadù sarà Albert Videsott, diretur dles scores altes da La Ila.
Le "Dé dla Scora Ladina" vëgn tignì
en vëndres, ai 5 de setëmber
dales 08:00 danmisdé
tla Ćiasa dla Cultura
a La Ila.
rc
