Orars di mesi dl trasport publich:Mudaziuns por le mëteman dl ann solastich
Orars scolastics, la scora domisdé, l’edema scolastica de cinch dis y les esigënzes di scolars che va a ćiasa la fin dl’edema: chisc é n valgügn di criters che porta al mudamënt di orars dl trasport publich cun le scomenciamënt dl ann scolastich.
„Nos porvun da fà le poscibl por adatè i orars dles corieres y ferates ales esigënzes di scolars y dles families“, spliga l’assessur por la mobilité Florian Mussner. Cun en lönesc, ai 8 de setëmber mët man l’ann de scora nü 2014/15 che porta pro inće a de plü mudamënć di orars dles corieres y dles ferates dl trasport publich. Por Gherdëna y la Val Badia é les mudaziuns plü importantes cumpedades sö dessot:
Gherdëna: Dai 14 de setëmber gnaràl pitè les domënies y i dis de festa n iade implü dales 19.33 dla linia 350 da Urtijëi a Pruca porvia dl gran numer de scolars che anüza chësta linia. Dal lönesc al vëndres (ma tratan i dis de scora) saràl inće desponibl n iade dales 6.04 da Plan de Gralba a Balsan ćina la via Firenze.
Val Badia: Sön la linia 460 dla Val Badia gnaràl pité n iade implü dal lönesc al vëndres dales 16.11 da Bornech a Covara. Dal 14 de setëmber inant gnaràl ajunté les domënies y i dis de festa dan n dé de scora n iade extra da Pederoa a Bornech dales 17.57.
rc
