Scora / Cultura | 10.09.2014 | 11:18

Material didatich nü: Le cufer „Quaky“ gnarà presentè ai 17 de setëmber

„Quaky“ à inom la publicaziun nöia de Inovaziun y Consulënza tl Departimënt Educaziun y Cultura Ladina che é gnüda realisada por alisiré l’alfabetisaziun di mituns te n eté prescolara. Le cufer de materiai, che contëgn n manual sön la teoria dla promoziun di lingać y na racoiüda de jüć por le svilup dla „cosciënza di sonns“ gnarà presentè en mercui, ai 17/09 dales 17 tla scolina Saliëta a Urtijëi.

L’alfabetisaziun di mituns é n prozès che mët man bele dan l’ingrès tla scora elementara y por alisiré le laûr de imprendimënt dla cosciënza di sonns da pert di mituns à le ćiamp Inovaziun y Consulënza adöm al grup de laûr realisé le cufer „Quaky“, cun chël che l’educaziun linguistica di mituns (de 5 – 6 agn) po gnì acompagnada tres n program detaie de eserzitaziuns bele tles scolines. Le cufer „Quaky“ gnarà presentè

 

en mercui, ai 17 de setëmber,

dales 17:00

tla scolina Saliëta

a Urtijëi

 

da Sabine Hofer y Veronica Rubatscher (coordinadësses dl proiet). L’introduziun gnarà tignida dal’assessur por la scora ladina Florian Mussner, dal intendënt Roland Verra y dala direturia dles scolines Hannelore Insam cun la moderaziun dl’ispeturia Edith Ploner. Plö informaziun pon ciafè sön le sît pedagogich.it

 

rc

Galaria dales fotografies

Downloads