Dal 1° de novëmber stlüj cin museums provinziai
Al é cin museums provinziai che stlüj al 1° de novëmber por la palsa sajonala.
Pian ia da en sabeda al 1° de novëmber romàgnel stlüt por la palsa sajonala cin museums provinziai che fej pert dl'Aziënda di "Museums provinziai" integrada tla Repartiziun Museum dla Provinzia autonoma de Balsan.
I cin museums a chi che an po ćiamò jì a ti ćiarè ćina ai 31 d’otober é: le Museum provinzial dles usanzes y dles tradiziuns de Dietenheim/Bornech, le Museum dles mineores dl Südtirol - Mineora Prettau, le Museum dles mineores dl Südtirol - Ćialt dla blâ Steinhaus, le Museum Ladin Ćiastel de Tor y le Museum Ladin Ursus ladinicus a San Ćiascian.
Chisc ultimi trëi – le Museum dles mineores de Steinhaus, le Museum Ladin Ćiastel de Tor y le Museum Ladin Ursus ladinicus – dauriarà bele ai 26 de dezëmber, i atri indere d’aisciöda dl 2015.
De plü informaziuns sön i orars de düć i museums dl Südtirol y sön les mostres y manifestaziuns é da ciafè sön la plata http://www.musei-altoadige.it/.
rc
