Ai 14 de dezëmber: inauguraziun dla staziun nöia dla ferata a Vierschach
Da mez dezëmber inant à la localité da Vierschach y insciö inće le raiun da jì cun i schi Helm na süa staziun dla ferata. En domënia, ai 14 de dezëmber vëgnel tignì l'inauguraziun ofiziala cun l'assessur por la mobilité Florian Mussner y süa colega dal Tirol Ingrid Felipe. La novité é che vigni ora saràl spo inće na ferata che coliëia Lienz y Franzensfeste.
La daurida dla staziun nöia dla ferata Vierschach-Helm é n vare implü tl vers dla modernisaziun dla linia dla ferata de Puster, à dit Mussner che injunta: "Ara é dantadöt sëgn de na era nöia tl trafich dla ferata sura le confin fora tl'Euregio." Sce la staziun da Sanćiana ê ćina śëgn la staziun finala, saràl dai 14 de dezëmber inant, do che al é gnü mudé i orars, vigni ora na ferata direta ćina Lienz.
La staziun nöia dla ferata, che é bele tl raiun dla rëi dla ferata austriaca, é gnüda realisada a öna cun i partners dl'Austria y sot ala direziun dles strotöres de trasport dl Südtirol AG (STA), y vëgn inaudada
en domënia, ai 14 de dezëmber,
dales 11.00,
tla staziun nöia Vierschach-Helm.
Ala metüda en funziun dla staziun nöia dla ferata saràl l'assessur por la mobilité Florian Mussner y süa colega austriaca Ingrid Felipe, rapresentanć dla politica, dl'economia, dl turism y dla ferata taliana y austriaca. Important por dötes les porsones interessades che vëgn adalerch cun la ferata y adora le Südtirol-Pass o na cherta valur: le codesc dla staziun nöia Vierschach-Helm é le 72.
usp
