Model "Bausparen": Indoman él preodü la firma dales 12 tl salf dla Junta
Les acordanzes cun les banches y cun i fonds dla ponsiun gnarà sotescrić indoman (23/12) en presënza dl presidënt dla Provinzia Arno Kompatscher y dl assessur competënt Christian Tommasini. Cun la sotescriziun dles acordanzes pol pié ia concretamënter le model „Sparagn por la ćiasa“ (Bausparen). Le terminn é indoman dales 12 ala fin dl’incuntada dla Junta tl salf dles sentades tl Palaz Widmann.
Indoman, mertesc ai 23 de dezëmber dales 12, do la sentada edemala dla Junta provinziala, vëgnel metü le proscim vare concret por la realisaziun dl model „Sparagn Ćiasa“ (Bausparen) tl Südtirol: insciö él preodü la sotescriziun di contrać cun i fonds dla ponsiun convenzionà y cun les banches locales en presënza dl presidënt dla Provinzia Arno Kompatscher y dl assessur por le frabiché abitatif Christian Tommasini. L'at dla sotescriziun dles acordanzes é n vare nezesciar por l’atuaziun dl plann tecnich-aminitratif dl model „Bausparen“ che à sciöche obietif prinzipal le sostëgn di zitadins pro la cumpra dla pröma ćiasa.
Le terminn é gnü stabilì por
indoman, mertesc ai 23 de dezëmber
dales 12
tl salf dles sentades dla Junta,
dl Palaz Widmann (secunda alzada)
plaza Silvius Magnano 1
Balsan.
rc
