Ćiases di Parcs naturai, al mët man la sajun da d’invern
Do na palsa deura indô les Ćiases di Parcs naturai Pöz-Odles, Fanes-Senes-Braies, Trëi Pizes de Lorëi y Vedrette de Ries-Aurina. La sajun da d’invern gnarà caraterisada da na seria de mostres dër interessantes sön argomënć desvalis: dai fossii de retii ai scenars dla Pröma vera mondiala, dala laûrs rossa al refodam sön munt.
Tla Ćiasa dl Parch Natural Fanes-Senes-Braies d’Al Plan de Mareo, él da odëi ćina ai 28 de merz la mostra interativa "I grandi tre", sön i majeri predadus dl’Europa zentrala: la laûrs, le lus y le lustrì. La mostra pîta na suraodüda generala les carateristiches prinzipales di trëi predadus y tematisëia le raport y i conflić danter i predadus y la porsona cun le fin da porvè da ciafè soluziuns y poscibilitês por na convivënza pazifica. La mostra sarà da odëi ćina ai 28 de merz, dal mertesc ala sabeda tres dales 09.30 ales 12.30 y dales 14.30 ales 18.00.
Tla Ćiasa dl Parch natural Pöz-Odles, a Santa Madalena de Funes, sarà la laûrs la figöra prinzipala dla sajun da d’invern. "Il ritorno dell'orso bruno in Alto Adige" é le titul dla mostra organisada dal WWF de Balsan, che sarà da odëi tla Ćiasa dl Parch natural, che ti va do ala vita dl gran predadù y che descrî les formes de convivënza danter porsona y tier. Tratan la vijita ala mostra podaran inće s’informè sön le comportamënt plü adeguè te na situaziun eventuala de na incuntada cun na laûrs. Le Parch natural pîta vijites por mituns dla scolina, tlasses de scora y porsones adultes. L’entrada ala mostra è debann y ara sarà da odëi ćina ai 28 de merz, dal mertesc ala sabeda tres dales 09.30 ales 12.30 y dales 14.30 ales 18.00.
Döes indere é les mostres por la sajun da d’invern tla Ćiasa dl Parch natural Trëi Pizes de Lorëi, a Toblach. I vijitadus podarà ti ćiarè a "DinoMiti", iade fora por la storia dla regiun dolomitica tres la descurida di fossii plü importanć, mo nia ma. Implü él da odëi la mostra de fotografies "Scenari della prima guerra mondiale nelle Dolomiti di Sesto", na racoiüda de passa 70 reperć, chertes y diari che descrî le tëmp dl conflit. La Ćiasa dl Parch natural sarà daverta ćina ai 28 de merz, dal mertesc ala sabeda tres dales 09.30 ales 12.30 y dales 14.30 ales 18.00.
Tla Ćiasa dl Parch natural Rieserferner-Ahrn a Türesc saràl da odëi la mostra itineranta "Neobiota", proponüda dal AVS por sensibilisé sön le tema dl raport porsona-munt pian ia dal refodam. Implü gnaràl romenè sö trus y pra da munt; i mëmbri dla Lia da munt à tut la dezijiun da fà jö i sëgns dl passaje dles porsones che dà vita a na sort nöia: le neobiot. La mostra sarà da odëi ćina ai 28 de merz, dal mertesc ala sabeda tres dales 09.30 ales 12.30 y dales 14.30 ales 18.00.
Dötes cater les Ćiases di Parcs naturai é davertes ćina ai 28 de merz, tres dal mertesc ala sabeda dales 09.30 ales 12.30 y dales 14.30 ales 18.00. L’entrada é debann, al é inće poscibl da prenotè na vijita acompagnada (inće chësta debann). Plü informaziuns pon ciafè diretamënter tles Ćiases di Parcs naturai. La sajun da d’isté metarà man ai 2 de mà dl 2015.
rc
Galaria dales fotografies
Foto: Ofize Parcs naturai
Foto: Ofize Parcs naturai
