AVIS: tlausöra dla Junta, la conferënza stampa sarà dales 12
La conferënza stampa sön i resultać prinzipai dla pröma „tlausöra“ dla Junta provinziala dl 2015 che ê preodüda por indoman, vëndres 9 de jenà dales 13 é gnüda antizipada de öna n’ora y gnarà tignida indoman dales 12.
La pröma „tlausöra“ dla Junta provinziala, che à metü man incö dales 14, à le fin da definì les prioritês prinzipales dl laûr dla Junta provinziala por le 2015 y da stabilì n program spezifich dles ativitês dl govern provinzial por i proscims trëi mëisc.
La conferënza stampa finala sön i resultać prinzipai dl’incuntada dla Junta é gnüda antizipada de öna n’ora. Le Presidënt dla Provinzia, les assessuries y i assessurs s'incuntarà insciö cun i media por presentè i resultać dla tlausöra
indoman vëndres, ai 9 de jenà
dales 12
tl salf dles sentades dla Junta provinziala
tl Palais Widmann, secunda alzada
plaza Silvius Magnago 1
Balsan.
rc
