Formaziun profesciuns sanitares: domandes de contribut ćina ai 31 de jenà
Ćina ai 31 de jenà dl 2015 à i provider acredità CME la poscibilité da presentè domandes de contribut pro l’Ofize Formaziun personal sanitar por l’organisaziun de cursc de formaziun permanënta por profescionisć dl setur dla sanité y por publicaziuns d’interès sanitar.
La Repartiziun Sanité dla Provinzia lascia alsavëi che les domandes de sostëgn por cursc de formaziun permanënta y por publicaziuns d’interès sanitar (lege provinziala dl 15 de novëmber 2002 n. 14) mëss gnì presentades ćina ai 31 de jenà dl 2015 tl Ofize Formaziun personal sanitar, che é da ciafè tla strada Gamper 1 (terza alzada, ofize 386 – tel. 0471 418151/418141) a Balsan.
Les domandes de sostëgn po gnì menades inće tres lëtra racomandata o tres posta eletronica zertificada.
I criters por la presentaziun dles domandes, i formulars por la domanda de contribut y les injuntes po gnì desćiarià dala plata internet dl sorvisc tla Rëi zivica dla Provinzia (Repartiziun Sanité – Ofize Formaziun personal sanitar): http://www.provinzia.bz.it/la/sorvisc/sorvisc-categories.asp?bnsvf_svid=1004440.
La presentaziun dl program tl menü de vigni scomenciadia, cun laprò dötes les indicaziuns y informaziuns spezifiches y contables, vëgn ma fata cun le program GeCo. Link por ti rové pormez al program GeCo.
Plü informaziuns pon ciafè pro l'Ofize Formaziun dl personal sanitar (strada Canonico Michael Gamper 1, 39100 Balsan, tel.: 0471 41 81 59, email: lorenz.corradini@provinzia.bz.it o sön la plata internet: http://www.provinzia.bz.it/la/sorvisc/sorvisc-categories.asp?bnsvf_svid=1004440
USP
