Curs de trëi agn por mënacrëp: Iscriziuns al ejam d’amisciun
Ćina ai 9 de forà podarà porsones interessades a n curs de formaziun trienal por mënacrëp presentè na domanda d’iscriziun por fà l’ejam pratich d’amisciun.
Le curs de formaziun por mënacrëp dorarà indöt trëi agn y vëgn tignì da reladus cun na cualifica dër alta. Por podëi tó pert al ejam de amisciun él debojëgn dla presentaziun de n raport che documentëia les esperiënzes sön i crëps, sön dlaćia y sön i schi dl singul candidat ti ultims trëi agn. Sce la documentaziun corespogn ales condiziuns dades dant, podaràn tó pert al ejam pratich d’idoneité che gnarà tignì dai 7 ai 8 de merz y ai 24 de mà.
Les domandes d’iscriziun por l’ejam de amisciun, che vël sciöche idoneité di candidać por le curs, po gnì presentades ćina ai 9 de forà pro l’Area funzionala Tursim dla Provinzia, tel. 0471 413727, i formulars d’iscriziun po gnì desćiarià dala misciun internet www.provincia.bz.it/economia.
Informaziuns plü avisa pon inće ciafè por les Assoziaziuns di mënacrëp dl Südtirol tres la misciun: http://www.bergfuehrer-suedtirol.it/ . Les iscriziuns mëss gnì dades jö alplü tert ai 9 de forà.
rc
