Mascinns forestales nöies: domandes dai 16 de forà inant
Aziëndes forestales y imprejes d’agricoltöra po presentè ala Provinzia les domandes do n contribut por la cumpra de mascinns nöies tl setur forestal dai 16 de forà inant inćina ai 31 de merz.
Les tecnologies y inovaziuns modernes por taié te bosch y por la lauraziun dl lignan alisirëia cotan le laûr ti bòsc, aumentëia l’efiziënza y la produtivité y garantësc n tratamënt sostenibl dles ressurses naturales. Por sostignì chëstes ativitês él la Provinzia che mët a desposiziun contribuć por la cumpra de mascinns nöies tl setur forestal. I contribuć va a bëgn dles imprejes forestales y dles aziëndes d’agricoltöra, la soma de contribut plü alta é dl 40 porcënt di cosć aprovà. Al po gnì presentè domandes do contribuć che reverda mascinns forestales che vëgn adorades por les taiades de bosch y por la pröma lauraziun y deponüda dl lignan.
Les domandes cun la documentaziun nezesciara po gnì menades cun la Posta o dades jö ti ofizi competënć dles staziuns forestales y tl Ofize provinzial Economia da munt, che à süa sënta tla strada Prenner 6 a Balsan. Les domandes mëss gnì presentades danter ai 16 de forà ćina ai 31 de merz (al vëgn conscidré la data dl stempl dla posta). Informaziuns, i documënć y i moduls por les domandes é da ciafè sön la plata internet dla Repartiziun Bòsc dla Provinzia: http://www.provinz.bz.it/forst/default.asp.
rc
