Meteo: forà süt, n invern danter i plü ćiöbi dla storia, 21 degrà a Laces
Cun indoman (28 de forà) se röia l’invern meteorologich, tl Südtirol él le terzo plü ćiöbe dal ann 1850 cun na temperatöra mesana de 2 degrà sura le valur de de plü agn. Le bilanz dl Sorvisc Meteo dla Provinzia à segnalè che a Balsan é la temperatöra mesana stada de 4,4 degrà. Le dé plü ćialt cun la temperatöra plü alta (+21°) é gnü mosoré a Laces tla Val Venosta.
Te döta la perioda invernala él gnü registré te Südtirol na temperatöra plü ćiöba co de regola ti mëisc invernai: de dezëmber é stè le valur mesan de zirca 3 degrà sura le valur mesan de de plü agn (che é de 2,4°), de jenà é le valur stè de 2 degrà plü alt, de forà de un n degrà. Porvia dl termo alt dles novüdes de chësc invernn él inće gnü mosoré ćina i 2000 metri manco nëi co normalmënter. Na carateristica de chësc invern é inće stada chëra de n vënt sterch che à portè a plü situaziuns de prigo de lovines tles munts.
Le mëis da d'invern cun manco prezipitaziuns é stè chël de forà: tla Val d’Isarch, tla Val de Puster y tla alta Val d’Isarch él tomè püć zentimetri de plöia. L’ezeziun é stada chilò la Val Venosta, olache al é gnü mosorè na gran novüda sön döt le teritore. I dis de sorëdl (complessivamënter 380 ores) se posizionëia dlungia le valur mesan plurianual, mo comporta 30 porcënt implü en confrunt al invern dl ann passè che é stè caraterisé da tröpa nëi y da niores. La temperatöra plü alta é gnüda mosorada ai 10 de jenà cun 21 degrà a Laces tla Val Venosta, la nöt plü frëida de chësc invern é stada ai 31 de jenà a Monguelfo cun manco 17,3 degrà.
Le Sorvisc meteo dla Provinzia antizipëia che al momënt ne él nia preodü n inalzamënt dles temperatöres che portass a n tlima da d’aisciöda, mo che les temperatöres restarà ćiöbies sciöche tl mëis de forà.
rc
