100 agn Gran Vera: domandes y respostes sön la plata dl’Euregio
www.14-18.europaregion.info é la misciun dl portal metü sö deboriada danter le Südtirol, le Tirol y le Trentin y che vëgn aministré dal’Euregio che reverda n’analisa storica dla Pröma Vera Mondiala y de sües conseguënzes por nüsc raiuns. Tla seziun „Let’s talk“ vëgnel insciö presentè vigni mëis na tematica nöia: por le momënt nen vara dl Monumënt ala Vitoria de Balsan.
Tla seziun „Let’s talk“ dla plata internet d’analisa storica www.14-18.europaregion.info, le portal dl Südtirol, Trentin y Tirol, él l’Euregio che pîta vigni mëis l’ocajiun da se dè jö cun tematiches dla storia dl Südtirol, Trentin y Tirol. Por chësc mëis é la tematica prinzipala la storia y le contest storich de costruziun dl Monumënt ala Vitoria de Balsan. Les domandes presentades tl contribut da ciafè sön la plata internet reverda l’inom dl monumënt (tl mëteman essel messü avëi l’inom de Cesare Battisti), les porsones che vëgn rapresentades sön le monumënt y la figöra de Battisti. Por descurì les respostes pon tliché sön www.14-18.europaregion.info/.
Le percurs d’esposiziun BZ '18-'45. N monumënt, na cité, döes ditatöres ", é davert al publich dal mëis de messè dl 2014. Tratan le percurs vëgnel presentè danter l’ater la storia dl Monumënt, le contest storich de costruziun tratan la perioda dl fascim (plü avisa danter le 1926 y le 1928), la nasciüda dl proiet de Marcello Piacentini, la storia ddla cité de Balsan y i avenimënć plü importanć tl Südtirol tla perioda danter le 1918 ćina le 1945. Por podëi capì damì la storia dl monumënt vëgnel inće splighé le contest storich local tratan la perioda dl fascism y dl’ocupaziun di nazisć, sciöche inće le svilup di avenimënć internazionai ti agn dala fin dla Pröma Vera Mondiala ala fin dla Secunda Vera Mondiala (1918 – 1945).
Por plü informaziuns: www.14-18.europaregion.info/
rc
