Bilanz ASWE: 322 miliuns de euro paià fora por 75.000 porsones
L’Agenzia por le svilup sozial y economich (ASWE) à paié fora tl 2014 indöt 322 miliuns de euro de sorvisc sciöche por ejëmpl contribuć por la cura, la prevenziun y les familes. Tratan na conferënza stampa incö, mercui ai 11 de merz, à les assessuries Martha Stocker, Waltraud Deeg, le presidënt Karl Tragust y le diretur Eugenio Bizzotto dè na suraodüda sön les ativitês te chësc ćiamp.
Dala fondaziun dl’Agenzia por le svilup sozial y economich (ASWE) é so compit prinzipal, preodü dala lege provinziala di 22 de dezëmber dl 2009, chël da paié fora i sorvisc soziai dala Provinzia, dala Regiun y dal Stat. Tl ann 2014 él gnü paiè fora indöt 322 miliuns de euro a zirca 75.000 porsones, i sorvisc che fej fora la maiù pert dl budget reverda i seturs dl’assistënza ala cura, assistënza pro la prevenziun, contribuć por les families y finanziamënć por porsones cun invalidité, por verć y por surć.
Tl contest de na conferënza stampa à les assessuries Stocker y Deeg, le presidënt Tragust y le diretur Bizzotto presentè na suraodüda sön les ativitês dl ann passè. L’assessuria Stocker à sotligné che tl Südtirol él söporjö 80.000 porsones che ciafa n contribut dal’Agenzia. „La plü gran pert reverda i contribuć de cura cun söporjö 200 miliuns de euro“, insciö Stocker. L’assessuria à recordè che sura i contribuć dl ASWE vëgnel ćiamò paié fora dala Provinzia contribuć tres d‘atres mosöres por indöt 200 miliuns de euro laprò por sorvisc soziai por les families dl Südtirol. „Chësc é n contribut por daidé les families cuntra la meseria“, insciö Stocker.
L’assessuria Deeg à presentè te süa relaziun la promoziun dles families. „L’ann passè él gnü alzè dl dopl i finanziamënć dla Provinzia por les familes y che à portè a n alzamënt sostanzial“, insciö Deeg. De conseguënza él vigni familia che ćiafa 200 euro por mituns ćina ai trëi agn. „Implü él da valuté che les families vëgn sostignides tres sorvisc nia direć che gnarà aumentà tl dagnì“, insciö Deeg.
Eugenio Bizzotto à daldô presentè le raport dl bilanz dl ASWE por le 2014. La maiù pert di sorvisc paià fora (198 miliuns de euro – 60 porcënt) reverda i finanziamënć de cura, daldô i finaziamënć por les families (71 miliuns de euro – 21 porcënt), i sorvisc por porsones cun n’invalidité zivilia, verć y surć (41 miliuns de euro – 13 porcënt) y sorvisc de previdënza ( 22 miliuns de euro – 7 porcënt).
I contribuć de cura vëgn paià fora al mëis a zirca 13.700 porsones, che fej fora le 2,7 porcënt dla popolaziun. Sciöche valur mesan vëgnel paié fora al mëis n contribut de 9 miliuns de euro por 10.800 porsones, de chisc é le 97 porcënt zitadins talians y dui terzi é ëres. Deache al vëgn paié fora i finanziamënć de cura por porsones che é te ćiases de palsa y de cura diretamënter ales aministraziun dles ćiases, s’à le numer dles porsones che à ciafè n finanziamënt smendrì. Sce al vëgn cumpedè adöm le numer dles porsones che vëgn curades a ćiasa y chëres che vëgn curades tles ćiases de palsa y cura, é le numer dles porsones che ciafa contribuć söporjö de 17.000 Por i contribuć de cura él gnü paié fora diretamënter tl ann passè 111 miliuns de euro y 86 miliuns de euro te na manira indirëta.
Por ći che reverda i contribuć por les families dla Provinzia y Regiun dl 2014 él gnü paié fora dal ASWE indöt 67 miliuns de euro, cun n aumënt de 17 miliuns de euro dal ann da denant. Dötadöm él zirca 32.000 families che ciafa n contribut tl Südtirol, y che é zirca plü dl mez (57 porcënt) de dötes les families cun mituns sot a 18 agn.
I contribuć de previdënza à n import de 22 miliuns de euro y é partis sö te ponsiuns (20,5 miliuns), dejocupaziun (1 n miliun) y maraties profescionales. I finanziamënć tl setur dla previdënza é aumentà en confrunt dl ann da denant de 3 porcënt. Por ći che reverda i contribuć por les ponsiuns él les indöt 2.800 ponsiuns por les ćiasarines che dà tl edl. La spëisa totala por les 2.151 iscrites é de 13 miliuns de euro. Sciöche al é preodü dal Statut à l’Agenzia garantì le finanziamënt de trëi frabicać publics, che reverda la costruziun dla borjadoia dal ciomënt de Balsan, la cumpra de ferates nöies por la STA y la realisaziun de imobiliars por le Stat.
Plü informaziuns sön la suraodüda pon ciafè sön: http://www.provinz.bz.it/aswe/service/mitteilungen.asp?aktuelles_action=4&aktuelles_article_id=488856
rc
