Laûrs publics y bilanz: sentada de tlausöra por la Junta ai 27 de merz
I programs anuai ti seturs di laûrs publics y dles infrastrotöres y la spartiziun dles ressurses metüdes tl bilanz ti seturs dla sanité, dl sozial, dla familia y dl frabiché abitatif sarà les tematiches prinzipales dla sentada de tlausöra dla Junta provinziala en vëndres ai 27 de merz.
Vigni trëi mëisc s’incunta la Junta provinziala por na sentada de tlausöra, olache al vëgn tratè les tematiches de interés prinzipal y che ne po nia gnì analisades a funz tles sentades edemales dl mertesc. Sciöche anunzié incö (23/03) dal presidënt dla Provinzia Arno Kompatscher sarà la secunda incuntada de tlausöra dl 2015 en vëndres ai 27 de merz. „I temesc prinzipai – à splighé le presidënt Kompatscher – sarà l’ajornamënt di programs anuai che reverda i seturs di laûrs publics y dles infrastrotöres, sciöche inće la tematica dl’assegnaziun dles ressurses metüdes tl bilanz por la sanité, le sozial, la familia y le frabiché abitatif." Do la sentada dla Junta tignarà le presidënt Arno Kompatscher adöm al vize-presidënt Christian Tommasini na conferënza stampa,
en vëndres ai 27 de merz dl 2015
dales 13
tl salf por la stampa de Palaz Widmann
plaza Silvius Magnago 1
a Balsan.
rc
