100 agn Gran Vera: la Junta presentëia ai 2 de aurí les scomenciadies
Le presidënt dla Provinzia Arno Kompatscher presentará, adöm cun i assessurs por la cultura Florian Mussner, Christian Tommasini y Philipp Achammer, en jöbia ai 2 de aurí a Balsan la ligna de scomenciadies che é söl program por i 100 agn passá dala Pröma Vera Mondiala (1914-1918).
N’analisa storica dl tëmp passé ne dëida nia ma da svilupé na cosciënza critica mo ara contribuësc ince a na planificaziun dl dagní te na manira pazifica. Le centená dla Gran Vera pita insciö n’ocajiun atuala por se confronté cun i avenimënc che é sozedüs dan da 100 agn te Europa y sön le monn. La Junta provinziala á inciarié n grup de laur por coordiné dötes les scomenciadies por l’aniversar, che reverda danter l'ater comemoraziuns publiches, mostres, publicaziuns de proiec d’inrescida, concursc artistics, na plata internet deboriada dl raiun dl'Euregio, conferënzes y rapresentaziuns teatrales y funziuns religioses.Le presidënt dla Provinzia Arno Kompatscher y i assessurs provinziai por la cultura Florian Mussner, Christian Tommasini y Philipp Achammer presentará deboriada le contignü y le calënder dles scomenciadies te na conferënza stampa
en jöbia ai 2 de aurí
dales 10
tl salf stampa dla Junta
a Palaz Widmann,
plaza Silvius Magnago 1.
rc
