Marion Piffer Damiani é gnüda confermada presidënta dla Fondaziun Museion
Marion Piffer Damiani é gnüda reconfermada por i proscims trëi agn dala Junta provinziala te süa inciaria de presidënta dl Consëi de fondaziun dl Museion.
La Junta provinziala á confermé la nominaziun de Marion Piffer Damiani, storica d’ert, a cé dl Consëi de fondaziun dl Museion por i proscims trëi agn, do che le Consëi instëss á dé so arat positif al arlunjamënt dl’inciaria sciöche presidënta. L’assessur provinzial Philipp Achammer á splighé che „insciö pol gní garantí la continuité cun na presidënta che á dër de bugn contac internazionai y che é aprijada ince tl monn dla cultura dl Südtirol.“ Le Consëi de Fondaziun á l’inciaria da dé dant les lignes diretives dl Museum de Ert moderna y contemporanea de Balsan y da acompagné les mostres y la programaziun dles coleziuns.
Na daurida dl Museion, n ancoraje plü sot sön la popolaziun y impulsc nüs por le svilup dla sozieté é les audanzes dl assessur Philipp Achammer por i proscims trëi agn. La conferma dl presidënt Piffer Damiani va te chësta direziun: „Le Museion dess ester na ćiasa por i südtirolej, te chëra che i zitadins dess costruí n dialogh costant cun l’ert moderna y contemporanea“, á sotligné Achammer.
rc
