Dai 6 ai 30 de aurí é i Museums Ladins ma daverc por scores
I dui Museums Ladins „Ćiastel de Tor“ (San Martin de Tor) y „Ursus Ladinicus“ (San Ciascian) restará daverc dai 6 ai 30 de aurí ma por tlasses scolatisches y nia por vijitadus singuls.
Le Museum Ladin Ćiastel de Tor a San Martin ti dá a sü vijitadus na suraodüda sön la storia y cultura di ladins dles Dolomites, le Museum Ursus Ladinicus de San Ćiascian á so focus sön la storia dla laurs descurida tl ander de Conturines tl 1987 y dla storia dles Dolomites.
Trami dui i museums restará daverc da en lönesc ai 6 de aurí cina en jöbia ai 30 de aurí dl 2015 ma por vijites de tlasses scolastiches, por chëres che al é nezesciar da se prenoté denant al numer telefonich 0474 524020. I museums dauriará indô sües portes da en vëndres, 1 de má cina ai 31 de otober. Cina ai 5 de aurí, de de Pasca, sarál ciamó poscibl da vijité la mostra straordinara dl Museum dedicada ala storia dla stüa tla Val Badia. Sön la plata internet dl Museum, http://www.museumladin.it/, pon ciafé plü informaziuns sön les ativites museales y les propostes virtuales di dui museums.
rc
Galaria dales fotografies
